Víctor Villar (O Chaval) Cartelle · 21 años

Víctor, dende Cartelle, comezou a súa paixón polo bombardino aos 10 anos e, dende aquela, non houbo quen o separase dun instrumento de vento-metal. Co paso dos anos foi medrando musicalmente ata converterse nun dos grandes especialistas dos graves da zona.

En 2024 rematou o Grao Profesional de Música, demostrando que detrás de tanta festa tamén hai horas e horas de estudo. Pero como quedarse aí non era suficiente, decidiu aprender pola súa conta a tocar o sousaphone e a tuba, converténdose rapidamente nun auténtico animal dos graves.

Actualmente é un dos músicos máis top, risas e vacilóns da charanga. Ademais de tocar, exerce como speaker oficial dos Bandiños, encargado de animar o ambiente, levantar ao público e conseguir que unha actuación pase de ser unha simple actuación a converterse nunha auténtica festa.

Se hai que tocar, toca. Se hai que animar, anima. E se hai que facer o parvo… Víctor xa estaba preparado antes de chegar.

Porque nos Bandiños hai graves, hai festa e hai speaker… e todo iso xunto ten un nome: Víctor.